EXP: 2026/A013/000001

PLAN ESTRATÉXICO DE SUBVENCIÓNS DO CONCELLO DE CEDEIRA PARA O ANO 2026.

CAPÍTULO I. DISPOSICIÓNS XERAIS

ARTIGO 1. DEFINICIÓN E OBXECTIVOS.

1.- O establecemento de subvencións para este Concello durante o ano 2026 axustarase ao previsto neste Plan.

2.- Os obxectivos estratéxicos que describen o efecto e impacto que se espera logar coa acción institucional durante o período de vixencia do Plan recóllense para cada liña de actividade subvencional do presente Plan e están vinculados cos obxectivos establecidos nos correspondentes programas orzamentarios e en particular cos criterios de formación do orzamento para o exercicio económico de 2026.

ARTIGO 2. ÁMBITO OBXECTIVO E LIÑAS DE SUBVENCIÓN.

1.- Tratándose dun instrumento de carácter programático, o Plan Estratéxico de Subvencións debe contemplar todas as figuras que supoñan un instrumento de fomento, sexa cal sexa a súa natureza xurídica. Polo tanto debe contemplar non só as subvencións, senón as demais entregas de diñeiro sen contraprestación, os préstamos, avais e cantas outras figuras supoñan ou poidan supoñer pagos a favor dos interesados, efectuados con cargo ós fondos públicos.

2.- Exceptúanse do ámbito do presente Plan as aportacións contempladas nos apartados 2.3 e 4 do artigo 2 e no artigo 4 da Lei 38/2003, de 17 de novembro. Exceptúanse igualmente as subvencións á explotación que se poidan incluír nas diferentes concesións de servizos que se regularán na normativa contractual de aplicación.

3.- O Concello concederá subvencións a favor das persoas ou Entidades privadas coa finalidade de fomentar a realización de actividades de utilidade pública ou interese social ou para promover a consecución de fins públicos atribuídos á competencia local.

4.- Establécense as seguintes áreas durante o período de vixencia do Plan:

• Área número 1. Alcaldía.
• Área número 2. Servizos Sociais
• Área número 3. Seguridade e Protección Civil.
• Área número 4. Protección da salubridade pública.
• Área número 5. Educación.
• Área número 6. Promoción cultural.
• Área número 7. Festas.
• Área número 8. Deportes.

ARTIGO 3. EFECTIVIDADE DAS DISPOSICIÓNS CONTIDAS NO PRESENTE PLAN.

1.- O establecemento efectivo das subvencións previstas neste Plan requirirá a inclusión das consignacións correspondentes nos Orzamentos municipais de cada ano, e no caso das subvencións de concorrencia competitiva a aprobación das bases reguladoras da súa concesión.

2.- A aprobación das mencionadas bases será competencia da Xunta de Goberno Local.

3.- En consecuencia, co sinalado anteriormente, a aprobación do Plan Estratéxico de Subvencións non supón a xeración de dereito algún en favor dos potenciais beneficiarios, que non poderán esixir indemnización ou compensación algunha no caso de que o Plan non se leve á práctica nos seus propios termos.

ARTIGO 4. VIXENCIA E MODIFICACIÓN DO PLAN.

1.- De acordo co previsto no artigo 11.4 do RXS o presente Plan Estratéxico de Subvencións terá vixencia durante o ano 2026.

2.- Co obxecto de non alterar a natureza do Plan como documento integral da actividade subvencional do Concello as modificacións do mesmo reduciranse ó máximo posible.

3.- As modificacións que se instrumenten deberán ser xustificadas e adecuadamente motivadas e en todo caso realizaranse durante o primeiro e último trimestre de cada anualidade, sendo o órgano competente para a súa aprobación o Pleno da Corporación.

ARTIGO 5. CUSTOS E FINANCIAMENTO.

1.- O Plan estratéxico de subvencións non require compromiso orzamentario algún.

2.- A materialización das liñas de subvencións nas correspondentes convocatorias ou convenios, si riquerirán de consignación orzamentaria e aprobación do gasto para facer fronte ós compromisos que das mesmas puideran derivarse.

3.- As subvencións incluídas no Plan fináncianse con cargo ós recursos xerais do Orzamento Municipal a excepción de algunhas actuacións incluídas na liña número 2: Subvencións en materia de servizos sociais que son cofinanciadas.

ARTIGO 6. LÍMITES Á ACTIVIDADE SUBVENCIONAL

1.- A actividade subvencional programada neste Plan poderá materializarse sen mais límites que a dispoñibilidade orzamentaria adecuada e suficiente para cada liña anual e aqueles outros condicionantes que en cada caso impoña a lexislación vixente aplicable. No caso das actuacións incluídas na liña 2 que son cofinanciadas, de non incluírse a mesma nas consignacións iniciais do orzamento, unha vez o Concello dispoña do compromiso firme de ingreso poderá modificarse a mesma e polo tanto incrementar os límites á actividade subvencional mediante resolución de Alcaldía e comunicación á Base Nacional de Subvencións sen que teña tal incremento a consideración de modificación do Plan.

2.- En todo caso deberán observarse, en particular, a normativa comunitaria xeral ou específica para o sector de actividade en que incida a liña de subvención e/ou os límites propios que se deriven da persoa ou entidade beneficiaria.

CAPÍTULO II. ÁREA ALCALDÍA.

ARTIGO 7. ASIGNACIÓN ÓS GRUPOS POLÍTICOS MUNICIPAIS.

1.- Prevése a seguinte liña coa finalidade de sufragar os gastos relacionados coa actuación corporativa dos diferentes grupos municipais:

CAPÍTULO III. ÁREA DE SERVIZOS SOCIAIS.

ARTIGO 8. LIÑAS DE AXUDA EN MATERIA DE SERVIZOS SOCIAIS.

1.- Establécense as seguintes liñas de axuda en materia de servizos sociais:

a) Programa emerxencia social.

a.1) Obxectivos: Paliar ou resolver, por si mesmas ou complementarias con outros recursos e prestacións, situacións de emerxencia social e previr situacións de exclusión social.

a.2) Efectos pretendidos: Dar resposta con carácter inmediato a situacións puntuais de necesidade xeradas por unha emerxencia individual e/ou familiar sempre e cando exista unha carencia de medios económicos para satisfacer a necesidade e factores de risco social.

b) Asociación de Padres y Amigos de los Deficientes Mentales de Régoa (APADER)

b.1) Obxectivos: Contribuir ó mantemento da Asociación coa finalidade de garantir o seu funcionamento.

b.2) Efectos pretendidos: Dar resposta ás necesidades sociais e persoais deste colectivo.

CAPÍTULO IV. ÁREA DE SEGURIDADE E PROTECCIÓN CIVIL.

ARTIGO 9. LIÑAS DE AXUDA EN MATERIA DE SEGURIDADE E PROTECCIÓN CIVIL.

1.-Prevénse as seguintes liñas:

1. Protección Civil.

 a.1) Obxectivos: Contribuir ó mantemento da Agrupación de Voluntarios de Protección Civil constituida no Concello de Cedeira coa finalidade de garantir a xestión de emerxencias e a súa prevención.

a.2) Efectos pretendidos: Fomentar a colaboración voluntaria e desinteresada cos órganos, autoridades e servizos competentes en materia de Protección Civil, para a realización das actividades que se correspondan cos fins estatutarios.

b) Cruz Vermella.

b.1) Obxectivos: Contribuir ó mantemento da Asemblea Local de Cruz Vermella constituida no Concello de Cedeira coa finalidade de garantir a prestación de servizos de seguridade cidadá en eventos culturais e deportivos, sobre todo relacionados co mar.

b.2) Efectos pretendidos: Fomentar a colaboración voluntaria e desinteresada cos órganos, autoridades e servizos competentes da Asemblea Local de Cruz Vermella, para a realización das actividades que se correspondan cos fins estatutarios.

CAPÍTULO V. ÁREA DE SALUBRIDADE PÚBLICA.

ARTIGO 10. LIÑAS DE AXUDA EN MATERIA DE SALUBRIDADE PÚBLICA.

1.-Prevése a seguinte liña:

a) Asistencia de animais abandoados.

a.1) Obxectivos: Contribuír ó mantemento da Asociación de Benestar Animal (ABAC) para a protección e defensa dos animais de compañía coa finalidade de garantir a asistencia de animais domésticos abandonados, a manutención e o coidado dos mesmos, co fin de salvagardalos nas mellores condicións hixiénico-sanitarias.

a.2) Efectos pretendidos: Fomentar a colaboración voluntaria e desinteresada cos órganos, autoridades e servizos competentes en materia de salubridade pública coa finalidade de garantir a asistencia dos animais domésticos vagabundos e extraviados que deambulen polo termo municipal.

CAPÍTULO VI. ÁREA DE EDUCACIÓN.

ARTIGO 11. LIÑAS DE AXUDA EN MATERIA DE EDUCACIÓN.

1.-Prevénse as seguintes liñas de axuda:

1. Subvencións ás ANPAS.

a.1) Obxectivos: Colaborar financeiramente na organización de actividades complementarias e extraescolares e saídas didácticas como reforzo educativo organizadas polas mesmas.

a.2) Efectos pretendidos: Enriquecer a formación dos escolares do Concello complementando a actividade reglada que reciben nos centros, adquirindo non só coñecementos académicos, senón outros moitos valores asociados como coordinación, elasticidade, axilidade, traballo en equipo, formas de expresión, autoestima, creatividade, disciplina...

CAPÍTULO VII. ÁREA DE CULTURA.

ARTIGO 12. LIÑAS DE AXUDA EN MATERIA DE PROMOCIÓN CULTURAL.

1.-Prevese a seguinte liña de axuda:

a) Asociacións culturais.

a.1) Obxectivos: Colaborar coas diferentes entidades culturais do Concello para sufragar os seus gastos de funcionamento, investimentos e organización de eventos.

a.2) Efectos pretendidos: Fomentar o asociacionismo como canle de participación na vida cultural e social do municipio e como forma de convivencia.

b) Escola de Música.

b.1) Obxectivos: Colaborar financeiramente coa Escola de Música para sufragar os seus gastos de funcionamento.

b.2) Efectos pretendidos: Enriquecer a formación da veciñanza do Concello a través da música e complementar a actividade reglada que reciben nos centros o alumnado dos centros escolares.

c) Premios concurso Pintura rápida.

c.1) Obxectivos: Promover a participación activa da veciñanza no concurso, como medio para propiciar a convivencia entre as/os veciñas/os.

c.2) Efectos pretendidos: Fomentar a participación na vida cultural e social do municipio e como forma de convivencia.

CAPÍTULO VIII. ÁREA DE FESTAS

ARTIGO 13. LIÑAS DE AXUDA EN MATERIA DE FESTEXOS.

1.-Prevense as seguintes liñas de axuda:

a) Subvencións festas parroquiais.

a.1) Obxectivos: Promover a participación activa da veciñanza nas festas, por un lado, como medio para propiciar a convivencia entre as/os veciñas/os e, por outro lado, como medio para preservar as tradicións existentes nas distintas parroquias do Concello.

a.2) Efectos pretendidos: Lograr unha programación festiva estable como medio de difusión da imaxe do Concello e como dinamizador da actividade de cada parroquia programada e desenvolvida pola veciñanza. Involucrar á veciñanza na participación dos asuntos públicos situándose o Concello nun segundo plano tanto na elección das actividades, como no seu desenvolvemento e financiamento. 

b) Premios entroido.

b.1) Obxectivos: Promover a participación activa da veciñanza na festa máis subversiva do ano na que os costumes se relaxan, os roles invértense, rómpense as convencións sociais e se pode rir de todo. Unha festa na que principalmente se valora o espírito participativo e as ganas de divertirse. Así mesmo se pretende manter unha longa tradición popular dunha celebración pagana que celebraba a despedida dos fríos días de inverno e que, cando chegou o cristianismo, mesturouse coa despedida das carnes antes da abstinencia de Coresma. Galicia foi unha das poucas rexións de España que continuou celebrando o Entroido a pesar da prohibición.

b.2) Efectos pretendidos: Lograr unha programación festiva estable como medio de difusión da imaxe do Concello e por outro lado como dinamizador da actividade económica do mesmo a través do turismo e da afluencia de visitantes.

CAPÍTULO IX. ÁREA DE DEPORTES

ARTIGO 14. LIÑAS DE AXUDA EN MATERIA DE PROMOCIÓN DEPORTIVA.

1.-Prevese a seguinte liña de axuda:

a) Asociacións deportivas.

a.1) Obxectivos: Favorecer a realización de actividades deportivas no Municipio, apoiar a todo tipo de Entidades Públicas ou Privadas que programen ou realicen actividades de carácter deportivo, para a celebración de competicións ou eventos deportivos. Apoiar a constitución de todo tipo de Entidades Públicas ou Privadas que programen e realicen actividades de carácter deportivo, para a celebración de competicións ou eventos deportivos.

a.2) Efectos pretendidos: Fomentar o deporte como alternativa para a ocupación do ocio e tempo libre e como vehículo de convivencia para a loita contra a violencia, a exclusión social e a drogodependencia. Fomentar a realización de competicións e eventos no Concello, impulsando a participación cidadá nos mesmos tanto na súa elección, como no desenvolvemento e financiación situándose o Concello nun segundo plano (colaboración). Dinamizar a actividade económica do Concello a través da súa oferta deportiva atraendo visitantes e participantes ás mesmas.

CAPÍTULO X. CONTROL

ARTIGO 15. CONTROL E INDICADORES.

1.-. A Alcaldía da Corporación, levará a cabo o control do cumprimento do presente Plan durante o seu período de vixencia.

2.- Durante o primeiro trimestre de cada ano, a Alcaldía da Corporación, deberá presentar ante o Pleno un informe no que se avalíe a execución do Plan, o grao de cumprimento do Plan, a eficacia e eficiencia do outorgamento de subvencións na consecución dos obxectivos e efectos pretendidos e conclusións, con proposta de suxerencia para a elaboración do seguinte Plan Estratéxico de Subvencións ou a revisión do vixente.

3.- Anualmente poderase realizar a actualización do plan de acordo coa información relevante dispoñible e a avaliación realizada.

ANEXO I. RESUMO DAS LIÑAS DE SUBVENCIÓNS POR ÁREAS ANO 2026

CADRO RESUMO POR ANUALIDADES.

CADRO RESUMO POR PROCEDEMENTO DE CONCESIÓN.

DISPOSICION FINAL

Este Plan Estratéxico de Subvencións para o ano 2026, entrará en vigor unha vez fose aprobado polo Pleno do Concello de Cedeira.

Cedeira, na data da sinatura dixital.

O Alcalde.

Pablo Diego Moreda Gil